احنا اللي خرمنا الربع جنيه

السلام عليكم ورحمة الله وبركاته

احكلكم حكاية سريعة كدة

في قديم .. قديم الزمان ......... يجي من عشرين سنة كدة

كانت توجد عملة تسمي الربع الجنية

وكانت تتم صناعتها من الورق مع اضافة زخارف ليها

وكانت الورقة ماشاء الله قد كف اليد لعيل عنده 15 سنة

[ندعوك للتسجيل في المنتدى أو التعريف بنفسك لمعاينة هذا الرابط][/url]

وكان الناس بتتبسط بيها وبيستعملوها في شراء مناديل فاين

او شراء مصاصتين او مستيكة تشكلتس

وكان في اطفال تجمعها في العيد عشان بتبقي لسه جديده

ومترضاش تصرفها

وبعدين كشئ طبيعي ومنطقي حصل تغيير في الشعب ( وليس في النظام )

ونتيجة لده ظهر في قديم الزمان الي بعده ربع جنية لكن معدن

وفيه خرم

[ندعوك للتسجيل في المنتدى أو التعريف بنفسك لمعاينة هذا الرابط][/url]

وابتدا الناس تتجاهله في الاول ومترضاش تاخده

ومنهم الي يتعارك مع السواق لو اداله الباقي في ربع جنيه مخروم

لكن كان في ناس بتاخده وتحب تحطه في الميداليه لغايه لما تتملي

ويبقي مبلغ محترم

وناس ابتدت تجمع اتنين منه وتشتري مناديل فاين ( بقيت 50 صاغ )

او يجمعو 4 منه ويشتروا مصاصة ( بقت 1 جنى )

وطبعا مننساش السمكرية الي كان بيستعملوه بدل الوردة في المسامير

المهم دوام الحال من المحال وحسب التطور الطبيعي للحاجة الساقعة

ناس اتشالت وناس اتحطت

ناس اتخرجت من الكليات وناس لسه

ناس بتشرب شاي وناس بتشرب ينسون وواحد هناك بيشرب بيريل

كل الظروف دي ادت لظهور

الربع جنيه بدون خرم

[ندعوك للتسجيل في المنتدى أو التعريف بنفسك لمعاينة هذا الرابط][/url]

ربع جنيه ظريف كده تبصله تبقي عايز تضحك

المهم دلوقتي هما منزلينه .. يتجاب بيه ايه ؟

وبعدين من غير خرم مش هيتحط في ميدالية او وردة مسمار؟

لكن كل ده مش مهم

المهم

الثلات انواع موجودين في الاسواق وبيتم التعامل بيهم حاليا

ومن الممكن الحصول عليهم من اي تاجر او محل عصير
او سواق ميكروباص

وبكده كملت العيلة

الجنيه المعدن / النصف جنية المعدن / الربع جنيه بدون خرم المعدن / الربع جنيه بخرم المعدن / العشرة قروش المعدن / الشلم او الشلن المعدن

[ندعوك للتسجيل في المنتدى أو التعريف بنفسك لمعاينة هذا الرابط][/url]

وقريبا الخمسة جنيه المعدن

وان شاء الله في اول السنة الجايه .. العشرة جنيه والخمسين المعدن

وهنا يجيلي سؤال في غاية اللذاذة والظرافة واللطافة

هل في بلد غيرنا فيها تداول لعملة واحدة ليها ثلاث اشكال في نفس ذات الوقت ؟

سؤال يطرح نفسه

تحيااااتى

اسكت مش سدوا الخرم

عندك حق ياجادليو

زائر

هههههههههههههههههههه

مفيش بلاد تانية عندها أكتر من شكل للعملة

هنا بيحبوا يغيروا شوية

ههههههههههههه

ميرسي على الموضوع

احسن حاجة انهم يلغوا الربع جنية

ربع جنية ايه اللى انتا جاى تقول عليه

» حصريا فيلم احنا الى سرقنا الحرمية 1989 لمحمد صبحى بمساحة :: 213 ميجا بجودة dvdRip وعلى اكثر من سيرفر