سر اكلة الكباب المصرى

سر اكلة الكباب المصرى

رده حبيت اقول لكم عن سر الكباب المصرى

الى لايمكن تلاقيه فى اى مكان

الا لو الكبابجى قاله للك

الاول احب اوضح ان سر اى اكل فى الدنيا

التتبيله او الخلطه

انتو ممكن تجربو حاجات جديده وتعملو اضافات

يعنى زى القرفه ممكن تدخل فى حاجات كتير

زى ماقولت فى صنية البطاطس

وممكن تضاف للقطايف والكنافة

بس المهم لما تجربوا تحاول بمعاير بسيطه

وملائمه بعضها

زى الالوان مينفعش مكان يكون مدهون

بلون احمر وازرق

المهم

معلش انا طولت عليكم

المقادير لازم تكون الى هقول عليها بس

مقادير الكباب

1 - 1كيلو لحم ضانى من وش الفخده الخلفيه والى

يحب ريش مفيش مشاكل

2 - 3 حبة طماطم متوسطه فريش

3 - 2 بصله متوسطه

4 -1 صباع موز

5 - نصف تفاحة

6 - نصف ملعقة شاى فلفل اسمر

7- ملح حسب الحاجه وهقول لكم ازاى

الطريقة

اتبعوا الاتى....

1 - نقطع اللحمه ازااااااااااااى ؟؟؟...تقطع قطع

طوليه تقريبا عرضها 3 سم وطولها 6 سم

وسمكها لا يتعدى 1 سم ومتشلوش منها الدهن

اعتبروا الدهن لحمه ولا اكنه موجود بمعنى لو

القطعه هتطلع 3 ارباعها دهن اوعى حد يشيله ده

لو عايزين تاكلو كباب من غير ما يتحرق

ويكون مستوى ومعمول فى البيت

2 - نقطع الطماطم انصاص والبصل كذللك والموز

والتفاح والملح والفلفل ويوضع فى الخلاط

3 - نضع فوق المكونات دى مياه لاتتعداها يعنى لو

الحاجات وصلت عند نصف اللتر يبقى المياه برده

نصف لتر

4 - نشغل الخلاط

5 - بعد ما الحاجات تمتزج جيدا الطماطم والبصل

والموز والتفاح والفلفل والملح ندوق الطعم

متخافوش هيبقى طعمه حلو وبكده الى عاوز يزود

ملح براحته لحد ما يظبط الكلام

6 - نقلب الحاجات دى فى اللحمه ونسبهها من

ساعتين لست ساعات كفايه اوى

7 - ندككها فى الاسياخ وهنا فى طريقتين
أ
- ندخلها فى السيخ ذى مانكون بنخيط قماشه

فوق وتحت واكيد البنات هتفهم اكتر والشباب

يسالو مامتهم للى مش عارف يعنى اى ندكك؟

ب - ندخل قطعة اللحم فى السيخ بالطول على

طول يعنى نمسكها بالطول ونبدا من المنتصف

ونمررها لحد ما تخرج من الجهة المقابله

وفى الطريقتين بعد ما نعبى الاسياخ لازم نشد

اللحمه على السيخ يعنى نخليها مفروطه مش

مكشكشه حتى لو السيخ مش هياخد غير 3 قطع

للى عنده شوايه صغننه ولازم اللحمه المشفيه

تكون مع بعضها فى السيخ والى فيها ده تكون فى

سيخ اخر

8 - نوضع فحمتين او 3 على نار البوتجاز واو ما

يولعوا ننقلهم فى الشوايه وبجد الى عنده هوايه

هتريحا كتير بدل الكرتون والكلام الفاضى ده

هيتعبكم جدا

9 - لما الفحم يولع نقسم الشوايه هنشوى فى

3/4 من الشوايه والجزء الباقى نحطفيه فحم مش

مولع وعليه شوية فحم من الى ولع عشان واحنا

بنهوى الكل يبقى شغاااااااال

10 - ومننساش نقلب دايما اول ما لونها يبقى بنى

مش دهبى نخرجها بقطعه قماش

متزعلوش لو طولت عليكم

واتمنى تجربوها

زائر

اوكي يا عسل و ان شاء الله هنجربها

اتصدقى خالتينى اجوع ياتوتا
رمضان كريم على كل اعضاء فورست ستارز

» اول لقاء مع الملياردير المصرى محمد الفايد مع عمرو اديب ( القاهره اليوم )
» حصريــا اهداف مبارة الزمالك وحرس الحدود فى افتتاح الدورى المصرى 2010
» لعبة pes6 بأخر انتقالات2009-2010 وبأحدث باتش للدورى المصرى وبالتعليق العربى
» حصريا :: 9 اسطوانات اصلية لبرنامج الاطفال المصرى عالم سمسم :: بأعلى جودة وبروابط مباشرة